عشق سے پیار سے الفت سے امن پھیلے گا ۔۔۔ساری مخلوق کی عزت سے امن پھیلے گا
عشق سے پیار سے الفت سے امن پھیلے گا
ساری مخلوق کی عزت سے امن پھیلے گا
دور رہنے سے کبھی قدر نہیں ہو سکتی
پاس آنے سے رفاقت سے امن پھیلے گا
منہ بنانے سے کوئی کرتا نہیں منہ کا خیال
بھائی چارے سے محبت سے امن پھیلے گا
صرف اپنی ہی مناؤ گے تو مر جاؤ گے
ایک دوجے کی اطاعت سے امن پھیلے گا
وہ جنھیں روٹی میسر نہیں کھانے کے لیے
ان غریبوں کی عیادت سے امن پھیلے گا
مرد کافی نہیں گھر بار چلانے کے لیے
تیرے گھر بار میں عورت سے امن پھیلے گا
کوئی بھی ایک عبادت نہیں کامل کاظم
ہر عبادت کی عبادت سے امن پھیلے گا
کلام :ڈاکٹر سید کاظم