بیٹی پیدا ہونے پر خاوند کے تشدد سے بیوی جاں بحق

بیٹی پیدا ہونے پر خاوند کے تشدد سے بیوی جاں بحق

وہاڑی (ویب ڈیسک)بیٹی پیدا کرنے پر خاوند نے بیوی پر بہیمانہ تشدد کر کے ابدی نیندسلا دیا۔ تفصیلات کے مطابق بدھلہ سنت ملتان کے رہائشی نادر بٹ نے چھ سال قبل تاجر محمد خورشید سکنہ محلہ رحمان پور تحصیل سلانوالی سرگودھا کی بیٹی نائلہ سے لو میرج کی تھی جس کے بطن سے ایک بیٹا اور دو بیٹیاں تھیں نادر کچھ عرصہ قبل اپنی بیوی کو لے کر بوریوالا آگیا اور چک 445ای بی میں کرایہ کے مکان میں رہائش پذیر تھا پندرہ روز قبل نائلہ خورشید نے ایک اور بچی کو جنم دیا تو نادر آگ بگولہ ہو گیا اور اپنی بیوی کو بہیمانہ تشدد کا نشانہ بنایا جس سے وہ بے ہوش ہو گئی جسے تحصیل ہسپتال بوریوالا میں داخل کروا دیا گیا جہاں وہ جان کی بازی ہار گئی تو ملزم نادر بٹ اس کی میت کو خاموشی سے لے کر تدفین کےلئے بدھلہ سنت ملتان اپنے والدین کے گھر پہنچ گیا نائلہ کی موت کی خبر اسکے والدین کو سرگودھا میں ملی تو وہ تھانہ سٹی پولیس بورے والا کو لے کر ملتان پہنچ گئے اور تدفین رکوا کر نعش کو واپس بوریوالا لے آئے۔

مزید : وہاڑی

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...