بانی ایم کیو ایم " را" کے ایجنٹ ، ان کے ساتھ غداروں جیسا ہی سلوک ہونا چاہیے:انیس قائمخانی

بانی ایم کیو ایم " را" کے ایجنٹ ، ان کے ساتھ غداروں جیسا ہی سلوک ہونا ...
بانی ایم کیو ایم

  IOS Dailypakistan app Android Dailypakistan app

کراچی(مانیٹرنگ ڈیسک) پاک سر زمین پارٹی کے صدر انیس قائمخانی نے کہا ہے کہ بانی ایم کیو ایم بھارتی خفیہ ایجنسی" را" کے ایجنٹ ہیں اس میں کوئی شک نہیں ہے،وہ غدار ہیں ان کے ساتھ غداروں جیسا ہی سلوک ہونا چاہیے۔

تفصیلات کے مطابق نجی ٹی وی اے آر وائے نیوز کے پروگرام "الیونتھ آور "میں گفتگو کرتے ہوئے ان کا کہنا تھا کہ میں نے بانی ایم کیو ایم الطاف حسین کے ساتھ 35سال گزارے ہیں،میں ان کے ساتھ لندن اور پاکستان میں بھی رہا تھا۔ ہم ان کی سیا ست سے مطمئن نہیں تھے کیونکہ انہوں نے مجھ سے اچھے مستقبل کا وعدہ کیا تھا جو پورا نہ کیا۔اگر ایم کیو ایم پاکستان ناکام ہوئی تو اس کے زمہ دار بھی بانی ایم کیو ایم ہی ہوں گے ۔

نئے آرمی چیف کارواں ہفتے فیصلہ ہوجائے گا ،ان کے کندھوں پربڑی ذمہ داریاں ہوں گی:خواجہ آصف

انہوں نے کہا کہ ڈاکٹرعشرت العباد نے ہمارےمتعلق نیک خواہشات کا اظہار کیا ہے،وہ ہمارے رابطے میں تھے۔ان کے لئے ہماری پارٹی میں کارکن کے طور پر دروازے کھلے ہیں،اگر وہ  کوئی عہدہ یا رتبہ چاہتے ہیں تو پھر ان کے لئے پاک سر زمین کے دروازے بند ہیں۔سیاسی لحاظ سے سابق صدر پرویز مشرف کے لئے بھی پاک سرزمین کے دروازے بند ہیں،خواجہ اظہار اور پرویز مشرف کی دوستی پر ان کو مبارکباد دیتا ہوں۔

ان کا مزید کہنا تھا کہ ہماری پارٹی کا نام پاکستان سر زمین پارٹی ہے،ہم پاکستان کی بڑی پارٹیوں میں شامل ہوں گے۔ضمنی انتخابات میں ووٹ نہ ڈالے جانا پاکستان سر زمین پارٹی کی جیت ہے۔ایک سوال کے جواب میں ان کا کہنا تھا کہ یہ تو وقت بتائے گا کہ پی ایس پی کس پارٹی کے ساتھ اتحاد کرتی ہے، لیکن الیکشن میں ہم کسی کے ساتھ اتحاد نہیں کریں گے،مجھے کراچی میں پی ایس پی ہی نظر آرہی ہے۔

مزید :

کراچی -