نواز شریف کو ریلیف ملنے پر دیگر قیدی بھی علاج کےلئے سہولت مانگنے لگے،آنکھوں کے مرض میں مبتلا سزائے موت کے قیدی کا چیف جسٹس اسلام آبادہائیکورٹ کو خط

نواز شریف کو ریلیف ملنے پر دیگر قیدی بھی علاج کےلئے سہولت مانگنے لگے،آنکھوں ...
نواز شریف کو ریلیف ملنے پر دیگر قیدی بھی علاج کےلئے سہولت مانگنے لگے،آنکھوں کے مرض میں مبتلا سزائے موت کے قیدی کا چیف جسٹس اسلام آبادہائیکورٹ کو خط

  



اسلام آباد(ڈیلی پاکستان آن لائن) اڈیالہ جیل میں سزائے موت کے قیدی نے آنکھوں کی بینائی کا مسئلہ بتا کر عدالت سے علاج کی سہولت طلب کرلی۔

میڈیا رپورٹس کے مطابق سابق وزیراعظم نواز شریف کو بیماری پر ریلیف ملنے کے بعد دیگر بیمار قیدی بھی عدالت سے رجوع کرنے لگے۔ اڈیالہ میں سزائے موت کے قیدی خادم حسین نے چیف جسٹس اسلام آباد ہائی کورٹ کو خط لکھا ہے جس میں استدعا کی گئی ہے کہ بینائی کا مسئلہ ہے آنکھوں کے علاج کی سہولت فراہم کی جائے۔

چیف جسٹس اسلام آباد ہائی کورٹ اطہرمن اللہ نے قیدی کی درخواست رٹ پٹیشن میں تبدیل کرنے کا حکم دیتے ہوئے فوری انصاف کی فراہمی یقینی بنانے کے لیے قیدی کی درخواست سماعت کےلئے مقرر کردی اور درخواست پر سماعت بھی اسلام آباد ہائی کورٹ کے چیف جسٹس اطہر من اللہ خود کریں گے۔

چیف جسٹس نے چیمبر سماعت میں قیدی کی درخواست پر وفاقی حکومت سے جواب طلب کر لیا اور ایڈووکیٹ جنرل اسلام آباد کو نوٹس جاری کرتے ہوئے جواب طلب کرلیا ہے۔

مزید : اہم خبریں /قومی /علاقائی /اسلام آباد