پیشگی اجازت کے بغیر غیرملکی جنگی،ایٹمی بحری جہازوں کا پاکستانی حدود میں داخلہ بند

  پیشگی اجازت کے بغیر غیرملکی جنگی،ایٹمی بحری جہازوں کا پاکستانی حدود میں ...

  

اسلام آباد(مانیٹرنگ ڈیسک)وفاقی حکومت نے سمندری حدود میں ملکی سکیورٹی اور سالمیت سے متعلق ”میری ٹائم زونز ایکٹ 2020“ کی منظوری دیدی۔دستاویز کے مطابق میری ٹائم زونز ایکٹ 2020 کے تحت غیر ملکی جنگی اور ایٹمی بحری جہازوں کے پاکستانی حدودمیں داخلے کیلئے پیشگی اجازت لازم قرار دی گئی ہے اور آئندہ سے غیر ملکی سب میرینز اور دیگر واٹر وہیکلز کا داخلہ بھی وفاقی حکومت کی پیشگی اجازت سے ہوگا۔نئے ایکٹ کے مطابق پاکستانی حدود میں پاکستان کے دفاع سے متعلق معلومات اکھٹی کرنے اور اسلحے کے استعمال پربھی کارروائی ہوگی، اس کے علاوہ کرنسی، افراد کی لوڈنگ، ان لوڈنگ، ریسرچ اور سروے پر بھی پابندی عائد کردی گئی ہے۔خلاف ورزی کے مرتکب بحری جہازکو قبضے میں لیکر قانونی کارروائی کی جائیگی اور میری ٹائم زونز ایکٹ 2020کی خلاف ورزی پر5 سال قید اوربھاری جرمانہ ہوگا۔دستاویز ات کے مطابق وفاقی حکومت کی جانب سے سمندری حدود کا تعین کیا جائیگا اور ساحل کے اطراف موجود پانی کوپاکستان کاداخلی پانی قراردیاجائے گا۔

میری ٹائم زونزا یکٹ

مزید :

صفحہ اول -