پی آئی اے، ریلویز اور پاکستان سٹیل ملز کی اوور ہالنگ، ری سٹر کچرنگ کا فیصلہ

      پی آئی اے، ریلویز اور پاکستان سٹیل ملز کی اوور ہالنگ، ری سٹر کچرنگ کا ...

  

 اسلام آباد(آن لائن)وفاقی حکومت کی جانب سے بڑے اداروں کی اوور ہالنگ اور ری اسٹرکچرنگ کا فیصلہ کرلیا گیا۔ میڈیا رپورٹ کے مطابق قومی ائیر لائنز (پی آئی ای) کو ساڑھے 400 ارب روپے خسارے کا سامنا ہے اور اب پی آئی اے سے ملازمین کی تعداد 14 ہزار سے کم کرکے 7ہزار کر دی جائے گی جبکہ ساڑھے 3ہزار ملازمین کو نجی شعبے سے آٹ سورس کیا جائے گا۔پی آئی اے کے ساڑھے 3 ہزار ملازمین کو گولڈن ہینڈ شیک دیا جائے گا اور قومی ائیرلائن کو نئے منافع بخش روٹس پر چلایا جائے گا۔دوسری جانب محکمہ ریلوے میں بھی بڑے پیمانے پر تبدیلیوں کا اعلان کیا گیا ہے جس کے تحت 5 کمپنیاں بنائی جائیں گی،ایک کمپنی ریگولیٹر، دوسری کمپنی ایم ایل ون کے معاملات پر کام کرے گی، تیسری کمپنی حکومت کے پاس ہوگی جو انتظامی معاملات کی نگران ہوگی، چوتھی کمپنی فریٹ اور پانچویں پیسنجر کمپنی ہوگی۔علاوہ ازیں پاکستان اسٹیل کی بھی نجی سیکٹر کے ساتھ لیز ہو گی اور پرائیویٹ سیکٹر کو پاکستان اسٹیل کی 1250 ایکڑ زمین دی جائے گی۔

اوورہالنگ

مزید :

صفحہ آخر -