نمل لاہور کے طلباؤ طالبات کا لاہور سٹاک ایکسچینج کا دورہ

نمل لاہور کے طلباؤ طالبات کا لاہور سٹاک ایکسچینج کا دورہ

  



لاہور(کامرس رپورٹر)نیشنل یونیورسٹی آف ماڈرن لینگوئج (نمل) لاہور کے طلباؤ طالبات نے لاہور سٹاک ایکسچینج کا دورہ کیا ۔ فنانشل لٹریسی پروگرام کے عنوان سے ان کے ساتھ یہ تیسرا سیشن تھا ۔ لاہور سٹاک ایکسچینج نے ساؤتھ ایشن فیڈریشن آف ایکسچینجز (سیف) کے اشتراک سے اس سیمینار کا انعقاد کیا۔ سیمینار میں مہمان خصوصی لاہور سٹاک ایکسچینج کے مینیجنگ ڈائریکٹر اور چیف ایگزیکٹو آفیسر اور ساؤتھ ایشین فیڈریشن آف ایکسچینجز کے سیکریٹری جنرل آفتاب احمد چوہدری تھے۔

سیمینار کے شرکاء کو بریفنگ دیتے ہوئے لاہور سٹاک ایکسچینج کے میڈیا اینڈ پبلک ریلیشن ڈیپارٹمنٹ کے ہیڈ برکت علی انجم نے کہا کہ فنانشل لٹریسی پروگرام کا مقصد طلبہ و طالبات کو ملکی معیشت اور کیپٹل مارکیٹ سے آگاہی فراہم کرناہے ۔ اس سے طلباء و طالبات میں بچت کرنے اور اپنی رقوم کو سرمایہ کاری کرنے کا شعور پیدا ہو گا۔ انہوں نے کہا کہ قومی سطح پر یہ اپنی نوعیت کا واحد پروگرام ہے جس کا مقصد تعلیمی اداروں کے طلبہ و طالبات کو فنانشل لٹریسی پروگرام سے آگاہی فراہم کرنا ہے جس میں نوجوان نسل کو مستقبل میں معاشی ذمہ داریوں کو بھر پور طریقے سے نبھانے کے قابل بنانا ہے۔

اس پروگرام کے تحت سکولوں کالجوں اور یونیورسٹیوں میں جا کر طلباء و طالبات کی معاشی استعداد کار بڑھانا مثلا بچت کرنا سرمایہ کاری کرنا اور رقم کا صحیح استعمال کرنا شامل ہے۔طلبہ سے ایل ایس ای کے ایک کامیاب سرمایہ کار سے بھی ملاقات کرائی گئی جنھو ں نے اپنے تجربہ کی بنیاد پر انوسٹمنٹ کے گر بتائے اور طلباؤ طالبات کے سوالات کے جوابات دیئے ۔ طالبات کو لوکل میوچل فنڈز انڈسٹریز اور آئی پی او کے حوالے دلچسپ معلومات فراہم کیں۔ یعنی جو انوسٹرز نئی سرمایہ کاری کرنے کا ارادہ رکھتے ہیں اور ریڈی مارکیٹ کا انھیں خاص تجربہ نہیں ہے تو انھیں چائیے کہ وہ میوچل فنڈز اور آئی پی او سے کاروبار شروع کریں کیونکہ میوچل فنڈز کی سالانہ عبوری منافع دینے کی شرح اچھی ہے اور آئی پی او کے بھاؤ لسٹنگ کے موقع پر بہتر قیمت پر فروخت کئے جا سکتے ہیں اور رسک بھی کم ہے۔ سیمینار کے آخر میں طلباؤطالبات کو سٹاک ایکس چینج کے اندر بروکریج ہاؤسز کا دورہ کرایا گیا۔ جہاں پر طلباؤ طالبات نے بروکریج ہاؤسز کے اندر موجود انوسٹر ز صاحبان کو عملی طور پر کاروبار کرتے دیکھا۔

مزید : کامرس


loading...