کمسن ملازمہ کنزیٰ پر تشدد ثابت، ملزم کی عبوری ضمانت منظور

کمسن ملازمہ کنزیٰ پر تشدد ثابت، ملزم کی عبوری ضمانت منظور
کمسن ملازمہ کنزیٰ پر تشدد ثابت، ملزم کی عبوری ضمانت منظور

  

راولپنڈی(ڈیلی پاکستان آن لائن) میڈیکل رپورٹ میں معصوم ملازمہ کنزیٰ پر تشدد ثابت ہوگیا تاہم پھر بھی ملزم کی عبوری ضمانت منظور کرلی گئی۔

ننھی کنزیٰ پر تشدد کی میڈیکل رپورٹ سامنے آگئی ہے جس میں تشدد ثابت ہوگیا ہے، ابتدائی رپورٹ کے مطابق کنزیٰ کے معدے اور آنتوں میں تشدد کی وجہ سے سوجن ہے، گردن اور کمر پر ناخنوں کے نشانات ہیں جبکہ کندھا اور بازو بھی نہیں ہل رہا، دائیں کندھے کے پیچھے اور کھوپڑی پر بھی پرانے زخموں کے نشان ہیں۔

دوسری جانب معصوم کنزیٰ تشدد کیس میں بااثر ملزم ڈاکٹر محسن کی عبوری ضمانت منظور کرلی گئی، ایڈیشنل سیشن جج راولپنڈی طاہر اسلم نے 50 ہزار روپے کے ضمانتی مچلکے جمع کرانے کا حکم دیا اور کیس کا ریکارڈ بھی طلب کرلیا۔

مزید :

قومی -علاقائی -پنجاب -راولپنڈی -