پاکستان سے میچ ہارنے پر گراؤنڈ میں رونے والے افغان کھلاڑی نے ایسا دکھ بھرا پیغام جاری کر دیا کہ آپ کی آنکھیں بھی نم ہو جائیں گی
دبئی (ڈیلی پاکستان آن لائن) ایشیاءکپ کے سپر فور مرحلے میں پاکستان نے سنسنی خیز مقابلے کے بعد افغانستان کو شکست دی تو آفتاب عالم آنسوﺅں پر قابو نہ رکھ پائے اور کریز پر ہی رو پڑے۔
شعیب ملک اور حسن علی نے بھی اعلیٰ ظرفی کی مثال قائم کرتے ہوئے آفتاب عالم کو دلاسہ دیا جس پر دونوں کی خوب تعریف بھی کی جا رہی ہے۔ آفتاب عالم نے اس میچ میں شکست کے بعد پہلا پیغام بھی جاری کیا ہے جس میں انہوں نے اپنے مداحوں سے معافی مانگتے ہوئے ملک کیساتھ محبت کا اظہار کیا ہے۔
آفتاب عالم نے سماجی رابطوں کی ویب سائٹ انسٹاگرام پر اپنے رونے کی تصویر شیئر کرتے ہوئے لکھا ” برائے مہربانی مجھے معافی کر دیں، میں افغانستان سے پیار کرتا ہوں۔“اور ساتھ ہی یہ شعر بھی لکھا:
''میرے رقیبوں کی جب عید ہوتی ہے تو اپنوں سے گلہ ہے مجھے
اپنے جنون کو پتھروں سے ماردیا ہے آسمان سے گلہ ہے مجھے
