کھلاڑیوں کو ایک ٹیسٹ میچ کے کتنے پیسے ملیں گے ؟ پی سی بی نے نوٹوں کی برسات کر دی ، جان کر استعفیٰ دینے والے محمد عامر بھی سوچ میں پڑ جائیں گے

کھلاڑیوں کو ایک ٹیسٹ میچ کے کتنے پیسے ملیں گے ؟ پی سی بی نے نوٹوں کی برسات کر ...
کھلاڑیوں کو ایک ٹیسٹ میچ کے کتنے پیسے ملیں گے ؟ پی سی بی نے نوٹوں کی برسات کر دی ، جان کر استعفیٰ دینے والے محمد عامر بھی سوچ میں پڑ جائیں گے

  


کراچی(ڈیلی پاکستان آن لائن )پاکستان کرکٹ بورڈ نے سینٹرل کنٹریکٹ یافتہ قومی کرکٹرز پر دولت کی برسات کر دی ہے ۔

تفصیلات کے مطابق پاکستان کرکٹ بورڈ نے ٹیسٹ کرکٹ میں کھلاڑیوں کی دلچسپی بڑھانے کیلئے فیس ٹی ٹوینٹی کے مقابلے میں دو گنا سے بھی زائد کر دی ہے جس کے مطابق اے کیٹیگری کو فی ٹیسٹ7 لاکھ 62 ہزار300، ون ڈے میں4 لاکھ 68ہزار815جبکہ ٹی ٹوئنٹی میں3لاکھ 38ہزار250 روپے بطور فیس ملیں گے، دیگر بونسز اور لوگو فیس الگ ہے۔بی کیٹیگری کو 6لاکھ65 ہزار 280 (ٹیسٹ) ، 3لاکھ 90ہزار33 (ون ڈے) اور2 لاکھ 70ہزار600(ٹی ٹوئنٹی) فیس ملے گی۔ سی کیٹیگری کے حامل کرکٹرز کو ٹیسٹ میچ میں بطور فیس5لاکھ68ہزار260 روپے دیے جائیں گے، ون ڈے میچ فیس3 لاکھ12 ہزار543روپے ہوگی۔ٹی 20میں2 لاکھ 2 ہزا ر 950 روپے حصے میں آئیں گے۔

حال ہی میں محمد عامر نے ریٹائرمنٹ کا اعلان کیا جبکہ وہاب ریاض نے غیرمعینہ مدت کیلئے ریڈ بال کرکٹ سے علیحدگی اختیار کر لی، اس صورتحال سے نمٹنے کیلئے پی سی بی نے ٹیسٹ میچ فیس ٹی ٹوئنٹی کے مقابلے میں دگنی سے بھی زیادہ کر دی ہے۔

مزید : کھیل


loading...