عدالت نے رحمن ملک کے وکیل کو دلائل دینے کی آخری مہلت دے دی
اسلام آباد (این این آئی)عدالت نے پیپلز پارٹی کے سینئر رہنما اور سابق وفاقی وزیر رحمن ملک کے وکیل کو دلائل دینے کی آخری مہلت دے دی۔سنتھیارچی کی رحمن ملک کے خلاف مقدمہ درج کرانے کی درخواست کی سماعت ایڈیشنل سیشن جج عطا ربانی نے کی۔سنتھیارچی کے وکیل ایڈووکٹ عمران فیروز عدالت میں پیش ہوئے جبکہ رحمٰن ملک کی طرف سے لطیف کھوسہ ایڈووکیٹ نے وکالت نامہ عدالت میں جمع کرادیا۔لطیف کھوسہ کے معاون وکیل نے سماعت بغیر کارروائی کے ملتوی کرنے کی استدعا کی۔عدالت نے رحمن ملک کے وکیل کو دلائل دینے کے لیے آخری مہلت دیتے ہوئے سماعت 26 ستمبر تک ملتوی کردی۔
رحمن ملک