دریا نے کل جو چپ کا لبادہ پہن لیا  | بیدل حیدری |

دریا نے کل جو چپ کا لبادہ پہن لیا  | بیدل حیدری |
دریا نے کل جو چپ کا لبادہ پہن لیا  | بیدل حیدری |

  

دریا نے کل جو چپ کا لبادہ پہن لیا 

پیاسوں نے اپنے جسم پہ صحرا پہن لیا 

وہ ٹاٹ کی قبا تھی کہ کاغذ کا پیرہن 

جیسا بھی مل گیا ہمیں ویسا پہن لیا 

فاقوں سے تنگ آئے تو پوشاک بیچ دی 

عریاں ہوئے تو شب کا اندھیرا پہن لیا 

گرمی لگی تو خود سے الگ ہو کے سو گئے 

سردی لگی تو خود کو دوبارہ پہن لیا 

بھونچال میں کفن کی ضرورت نہیں پڑی 

ہر لاش نے مکان کا ملبہ پہن لیا 

بیدلؔ لباس زیست بڑا دیدہ زیب تھا 

اور ہم نے اس لباس کو الٹا پہن لیا 

شاعر: بیدل حیدری

(شعری مجموعہ:پشت پہ گھر  )

 

Darya    Nay  Kall    Jo   Chup   Ka   Libaada   Pahen    Liya

Piyaason    Nay   Apnay   Jism   Ka   Malba   Pahen    Liya

 

Wo   Taat   Ki   Qabaa   Thi   Keh   Kaaghaz   Ka   Pairhan

Jaisa   Bhi   Mill   Gaya   Ham   Nay   Wesa   Pahen    Liya

 

Faaqon   Say   Tang   Aaey   To   Poshaak   Baich   Di

Uryaan   Huay   To   Shab   Ka   Andhaira   Pahen   Liya

 

Garmi   Lagi   To   Khud   Say   Alag   Ho   K   So   Gaey

Sardi   Lagi   To   Khud   Ko   Dubaara   Pahen    Liya

 

Bhonchaal   Men   Kafan   Ki   Zaroorat   Nahen   Parri

Har   Laash   Nay   Makaan   Ka  Malba   Pahen    Liya

 

BEDIL   Libaas -e- Zeest   Barra   Deeda   Zaib   Tha

Aor   Ham   Nay   Uss   Libaas   Ko   Ulta    Pahen    Liya

 

Poet: Bedil    Haidri

 

مزید :

شاعری -رومانوی شاعری -غمگین شاعری -