پولیس کے سامنے ریسٹورنٹ انتظامیہ کا شہریوں پر تشدد، ویڈیو وائرل

  پولیس کے سامنے ریسٹورنٹ انتظامیہ کا شہریوں پر تشدد، ویڈیو وائرل

  

کراچی(اسٹاف رپورٹر) رضویہ تھانے کی حدود میں ریسٹورنٹ انتظامیہ نے شہریوں کو تشدد کا نشانہ بنانا شروع کردیا، خواتین و مرد کو سرعام پیٹنے کی ویڈیو وائرل ہوگئی۔تفصیلات کے مطابق شہر قائد کے علاقے ناظم آباد الحسن چوک پر واقع ریسٹورنٹ انتظامیہ کی جانب سے خواتین اور مرد کو تشدد کا نشانہ بنانے کا واقعہ پیش آیا ہے۔ذرائع کا کہنا ہے کہ جھگڑا سڑک پر کرسیاں اور ٹیبل لگا کر سڑک بند کرنے کے باعث شروع ہوا، شہری نے گزشتہ روز ہوئے جھگڑے کی ویڈیو وائرل کردی۔ویڈیو میں دیکھا جاسکتا ہے کہ پولیس اہلکار بھی جائے وقوعہ پر موجود خاموش تماشائی بنے کھڑے ہیں اور ریسٹورنٹ انتظامیہ رضویہ پولیس کے سامنے شہریوں پر تشدد کررہے ہے جب کہ مردوں کو بچانے کی کوشش میں خواتین پر کرسیاں برسائی جارہی ہیں۔رضویہ پولیس جھگڑے کے بعد فریقین کو تھانے لے گئی اور کچھ دیر دونوں کو چھوڑ دیا، پولیس کا کہنا ہے کہ دونوں فریقین کو تھانے طلب کیا گیا ہے۔

مزید :

پشاورصفحہ آخر -