پاکستان کی انڈر 19 فٹ بال ٹیم نے 12سال بعد بین الاقوامی میچ جیت لیا
کھٹمنڈو (ڈیلی پاکستان آن لائن) پاکستانی انڈر 19 فٹبال ٹیم نے نیپال کو شکست دے کر 12 سال بعد بین الاقومی میچ جیت لیا۔
پاکستان فٹبال ٹیم نے ساؤتھ ایشین فٹبال فیڈریشن(ساف) انڈر 19 چیمپئن شپ میں نیپال کو ایک ۔ صفر سے ہراکر ایونٹ میں فاتحانہ آغاز کیا ہے ۔ دونوں ٹیموں کے درمیان پہلے ہاف میں مقابلہ برابر تھا، دوسرے ہاف میں بھی ایک دوسرے پر سبقت لے جانے کی کوششیں ہوئی، تاہم 76 ویں منٹ میں پاکستان کے علی ظفر نے خوبصورتی سے گیند کو جال کی راہ دکھا کر پاکستان کو ایک ۔ صفر کی برتری دلادی جو کھیل کے اختتام تک برقرار رہی۔
یہ پاکستان انڈر 19 ٹیم کی 12 سال بعد پہلی فتح ہے ،اس سے قبل آخری مرتبہ پاکستان انڈر 19 نے ایشین انڈر 19 کوالیفائرز میں انڈیا کے خلاف دو ۔ ایک سے فتح حاصل کی تھی۔نیپال میں ساف چیمپئن شپ میں پاکستان اپنا اگلا میچ مالدیپ کے خلاف 23 ستمبر کو کھیلے گی۔
