ملک بھر میں تیز آندھی و بارش سے تباہی ،9افراد جاں بحق ، درجنوں زخمی ، بجلی و مواصلات کا نظام درہم برہم
لاہور،اسلام آباد،پشاور(کرائم رپورٹر سے228 کامرس رپورٹر228 آن لائن)ملک بھر میں تیز آندھی اور بارش کے باعث چھتیں ، کھمبے ،درخت اور سائن بورڈز گرنے سے 9افراد جاں بحق ،درجنوں زخمی ،فیڈر ٹرپ ہونے سے متعدد علاقے تاریکی میں ڈوب گئے،موسم کی خرابی کے باعث کئی پروازیں منسوخ کر دی گئیں۔تفصیلات کے مطابق ملک کے مختلف علاقوں میں جمعہ اور ہفتہ کی رات کو تیز آندھی اور بارش شروع ہونیوالا سلسلہ ہفتہ کے روز بھی جاری رہا جس سے مختلف حادثات پیش آئے،لاہور میں نوے کلومیٹر فی گھنٹہ سے چلنے والی آندھی اور بارش سے لیسکو کا نظام مفلوج ہوگیا اور ایک سو اسی فیڈر ٹرپ کر گئے،مختلف علاقوں میں کھمبے اور سائن بورڈز گرنے کے واقعات پیش آئے،شاہدرہ میں درخت گرنے سے 32سالہ بشارت جاں بحق ،فیروز والا میں تیز آندھی سے سائن بورڈ گرنے سے 6افراد زخمی ہو گئیہوگئے ۔ جبکہ موسم کی خرابی کے باعث کئی پروازیں منسوخ کر دی گئیں۔ڈیرہ اسماعیل خان کے علاقے مریالی میں مکان کی چھت گرنے سے خاتون اور بچی جاں بحق،6افراد زخمی جبکہ آسمانی بجلی گرنے کے واقعہ میں ایک شہری جاں بحق ہو گیا،لوئر دیر میں دیوار گرنے سے ایک شہری جاں بحق ہو گیا،جڑواں شہروں میں بھی آندھی کے باعث سائن بورڈز گرنے کے کئی واقعات ہوئے جبکہ کئی پراوزیں بھی منسوخ کر دی گئیں۔،شیخوپورہ کرکٹ سٹیڈیم میں آندھی کے باعث بجلی کی تاریں ٹوٹ گئیں،تاریں گرنے سے گاڑی کو آگ لگ گئی۔ محکمہ موسمیات کے مطابق لاہور شہر کے مختلف علاقوں ، فیصل آباد ، شیخوپورہ ، گوجرانوالہ جبکہ میر پور آزاد کشمیر اور گردونواح میں ہلکی بارش اور بونداباندی کا سلسلہ وقفے وقفے سے جاری ہے،بادلوں اور تیز آندھی کے باعث لاہور سمیت پنجاب اور ملک کے دیگر علاقوں میں درجہ حرارت میں 3سے 5ڈگری تک کمی واقع ہوئی ہے ، ملک کے دیگر علاقوں میں بھی سوموار تک بارشیں ہونے کا امکان ہے جس سے گرمی کی شدت میں مزید کمی آئے گی ۔ مالاکنڈ، ہزارہ، پشاور ڈویژن اور کشمیر میں کہیں کہیں جبکہ راولپنڈی، گوجرانوالہ، سرگودھا ڈویژن، بالائی فاٹا اور گلگت بلتستان میں چند مقامات پر تیز ہواؤں،آندھی اور گرج چمک کیساتھ بارش ہوئی، سب سے زیادہ بارش میرکھانی میں12،دروش09 ، رسالپور05، پاراچنار، چراٹ04، دیر، کالام03، پشاور، 02، سیدو شریف، مالم جبہ، بنوں، کاکول، لوئر دیر، کوہاٹ01، راولاکوٹ05، گڑھی دوپٹہ03، مظفرآباد، کوٹلی02، سکردو03، استور01، کامرہ03، مری، راولپنڈی02، اسلام آباد01 ملی میٹر ریکارڈ کی گئی۔ آئندہ تین روز کے دوران محکمہ موسمیات نے ملک میں بارشوں کی پیشن گوئی کرتے ہوئے کہا کہ اس دوران خیبر پختونخوا، فاٹا، گلگت بلتستان ، کشمیر، اسلام آباد سمیت پنجاب ،کوئٹہ، ژوب، سبی اور نصیر آباد ڈویژن میں چند مقامات پر تیز ہواوں/آندھی اور گرج چمک کیساتھ بارش کا امکان ہے جبکہ شہیدبینظیرآباد میں اپریل کے مہینے میں گرمی کا گزشتہ ریکارڈ ٹوٹ گیا۔ شہیدبینظیرآباد میں زیادہ سے زیادہ 49 ڈگری سینٹی گریڈ ریکارڈ کیا گیا۔ اس سے پہلے شہیدبینظیرآباد میں اپریل 02ئمیں 48.5 ڈگری سینٹی گریڈ ریکارڈ کیا گیا تھا۔ دوسری جانب وسطی،جنوبی پنجاب، سندھ اور جنوبی بلوچستان میں شدید گرمی پڑی۔ریکارڈ کیے گئے گرم ترین مقامات کے درجہ حرارت کے مطابق شہیدبینظیرآباد میں49 ، دادو 46 ، لاڑکانہ 45 ، سبی ، نورپورتھل، بہاولنگر اور چھور 44جبکہ آج لاہور میں کم سے کم 28، اسلام آباد اور پشاور21، کراچی 26،کوئٹہ اور چترال میں 14اور گلگت میں 15ڈگری سینٹی گریڈ تک رہنے کا امکان ہے ۔
