کراچی: پولیس کی کارروائیاں،3ملزمان گرفتار،اسلحہ برآمد

کراچی: پولیس کی کارروائیاں،3ملزمان گرفتار،اسلحہ برآمد

کراچی (کرائم رپورٹر) کراچی میں پولیس کی جرائم پیشہ افراد کے خلاف کارروائیاں جاری ہیں۔ مختلف علاقوں سے 3 ملزمان پکڑے گئے۔پولیس کے مطابق ناظم آباد پولیس نے انٹیلی جنس بنیادوں پر کارروائی کرتے ہوئے 2 ملزمان کو گرفتار کرلیا۔ گرفتار ملزمان میں ڈکیت سکندر اور اکبر گل شامل ہے۔ ملزمان کے قبضے سے 2 عدد غیر قانونی پستول اور موبائل فون برآمد ہوئے۔دوسری جانب شارع فیصل پولیس نے گلستان جوہر پرفیوم چوک پر کارروائی کرتے ہوئے ڈکیتی کی کوشش ناکام بنادی۔ پولیس نے ڈکیت فضل خالد کو گرفتار کرلیا، جبکہ اس کا ساتھی فرار ہونے میں کامیاب ہوگیا۔ ملزم سے چھینا گیا موبائل فون اور نقدی برآمد ہوئی۔

مزید : راولپنڈی صفحہ آخر