جامعہ کراچی: لوڈ شیڈ نگ جاری کیمیکلز اور آلات خراب ہونے لگے

جامعہ کراچی: لوڈ شیڈ نگ جاری کیمیکلز اور آلات خراب ہونے لگے

  

کراچی (اسٹا ف رپورٹر ) ترجمان جامعہ کراچی کے مطابق گذشتہ ایک ماہ سے جامعہ کراچی میں روزانہ کی بنیاد پر متعدد بار بجلی کی لوڈ شیڈنگ اور بریک ڈاؤن معمول بن چکاہے جس کی وجہ سے اساتذہ ،طلبہ اور کیمپس کے رہائشی شدید پریشانی کا شکار ہیں ۔تعلیمی شعبہ جات بالخصوص کلیہ سائنس میں قیمتی لیبارٹری آلات اور کیمیکلز خراب ہورہے ہیں جس سے شدید مالی نقصان ہورہاہے۔علاوہ ازیں ریسرچ کے طلبہ بھی اپنی ریسرچ صحیح طور پر کرنے سے قاصر ہیں۔ان تمام مسائل کو مد نظر رکھتے ہوئے شیخ الجامعہ پروفیسر ڈاکٹر محمد اجمل خان نے کے الیکٹرک کے سی ای او کو ایک خط کے ذریعے ان تمام مسائل سے آگاہ کردیا ہے ۔خط کے مندرجات کے مطابق جامعہ کراچی کو گذشتہ کئی سال سے لوڈشیڈنگ سے استثنیٰ حاصل تھا ۔شیخ الجامعہ نے کے الیکٹرک سے فوری طور پر جامعہ کراچی میں بلاتعطل بجلی کی فراہمی کو یقینی بنانے کی درخواست کی ہے۔

مزید :

راولپنڈی صفحہ آخر -