پی آئی اے کی کینیڈا جانے والی تمام پروازیں منسوخ

کراچی(ڈیلی پاکستان آن لائن ) پاکستان انٹرنیشنل ایئر لائن(پی آئی اے) نے کینیڈا جانے والے تمام پروازیں منسوخ کر دی ہیں۔
نجی ٹی وی اے آر وائےکے مطابق کینیڈا کی جانب سے پاکستان سے جانے والی پروازوں پر پابندی کے باعث کینیڈا جانے والی تمام پروازیں منسوخ کر دی گئی ہیں۔
ترجمان قومی ایئر لائن نے کہا ہے کہ پروازوں کی منسوخی کی وجہ سے ٹورنٹو میں پی آئی اے کا 16 رکنی کریو بھی پھنس گیا ہے 16 رکنی کاک پٹ اور کیبن کریو نے ہفتے کو کینیڈا سے پاکستان روانہ ہونا تھا۔
واضح رہے کہ کینیڈا نے پاکستان اور بھارت سے پروازوں کی آمد پر 30 روز کی پابندی عائد کر دی ہے، اس سلسلے میں کینیڈا کی وزارت صحت نے ایک بیان جاری کیا ہے، جس میں کہا گیا ہے کہ یہ پابندی تمام کمرشل اور نجی پروازوں پر عائد ہوگی۔