ٹریفک پولیس کے سپاہی نے ایمانداری کی اعلیٰ مثال قائم کردی
کراچی (ویب ڈیسک) ٹریفک پولیس کے سپاہی نے ایمانداری اور فرض شناسی کی اعلیٰ مثال قائم کردی، پیسوں سے بھرا پرس اس کے مالک تک پہنچا دیا۔
تفصیلات کے مطابق سخی حسن کے قریب ٹریفک پولیس کے اہلکار علی مراد کو ایک پیسوں سے بھرا پرس ملا، جوکہ اس نے امانت کے طور پر رکھ لیا، چند گھنٹوں بعد چند نوجوان اسے سڑک پر کچھ ڈھونڈتے ہوئے دکھائی دیے جس پر اس نے ان سے معلوم کیا تو انھوں نے بتایا کہ کچھ دیر پہلے وہ اس سڑک سے گزرے تھے تو ان میں سے ایک کا والٹ گرگیا تھا۔ ٹریفک پولیس کے سپاہی نے بیس ہزار روپے سے زائد کی رقم شہری کو لوٹادی، شہری نے نہ صرف پولیس اہلکار کا شکریہ ادا کیا، بلکہ ویڈیو بنا کر سوشل میڈیا پر بھی وائرل کردی۔
: اجمیر نگری کی حدود میں طاعنات ٹریفک پولیس اہلکار نے ایمانداری کی مثال قائم کردی
— آزاد پنچھی (@Ommiyar) April 21, 2021
اہلکار علی مراد نے سخی حسن کے قریب ہزاروں روپے سے بھرا پرس ملنے پر اپنے ٹرافک سیکشن کے S.O آشک گلزار صاحب کو دیدیا S.O صاحب نے پوچھ گچھ کے بعد پرس کے اصل مالک کو ڈھونڑ کر اس کا پرس واپس کردیا pic.twitter.com/sqai8GHD1L
سپاہی علی مراد نے نوجوان سے پرس کے متعلق تصدیق کی اور بعد ازاں انہیں چوکی پرلے گیا اورسیکشن آفیسر (ایس او) کی موجودگی میں والٹ ان کے حوالے کردیا۔ نوجوان نے جب والٹ کھول کر دیکھا تو اس میں پوری رقم موجود تھی۔