پاکستان میں عوامی جلسے سے خطاب کرنا چاہتا تھا : ایرانی صدر

پاکستان میں عوامی جلسے سے خطاب کرنا چاہتا تھا : ایرانی صدر
پاکستان میں عوامی جلسے سے خطاب کرنا چاہتا تھا : ایرانی صدر

  IOS Dailypakistan app Android Dailypakistan app

لاہور(ڈیلی پاکستان آن لائن ) ایران کے صدر ابراہیم رئیسی نے کہا ہے کہ غزہ سے متعلق اصولی موقف پر پاکستان کو سراہتے ہیں، اسرائیل سے جنگ میں فلسطینی کامیاب ہوں گے۔
نجی ٹی وی جیو نیوز کے مطابق ایرانی صدر نے لاہور آمد کے موقع پر مزار اقبال پر حاضری کے موقع پر گفتگو کرتے ہوئے کہا کہ علامہ اقبال کی شخصیت ہمارے لیے بہت اہم ہے کیونکہ علامہ اقبال نے پیغام دیا کہ کیسے استعمار کے خلاف کھڑے ہونا ہے۔انہوں نے کہا کہ مجھے پاکستان آکر اجنبیت کا احساس نہیں ہوا،پاکستان کے لوگوں میں ایران کے ساتھ خاص وابستگی پائی جاتی ہے، پاکستان کے لوگوں کو سلام پیش کرتا ہوں۔ابراہیم رئیسی کا کہنا تھا کہ پاکستان اور ایران کے دل ہمیشہ ایک ساتھ جڑے رہیں گے، پاکستان میں عوامی جلسے سے خطاب کرنا چاہتا تھا مگر کچھ وجوہات کی وجہ سے عوامی جلسے سے خطاب ممکن نہ ہوپایا۔ انہوں نے مزید کہا کہ غزہ سے متعلق اصولی مو¿قف پر پاکستان کو سراہتے ہیں ، اپنی قوم اور اپنے مجاہدوں پر بہت ناز ہے ، اسرائیل سے جنگ میں فلسطینی کامیاب ہوں گے۔

مزید :

قومی -