متحدہ عرب امارات میں پاکستانی سفارت خانے کی جانب سے   قومی دن کی مناسبت سے استقبالیہ، اماراتی حکام کی بھی شرکت 

متحدہ عرب امارات میں پاکستانی سفارت خانے کی جانب سے   قومی دن کی مناسبت سے ...
متحدہ عرب امارات میں پاکستانی سفارت خانے کی جانب سے   قومی دن کی مناسبت سے استقبالیہ، اماراتی حکام کی بھی شرکت 

  IOS Dailypakistan app Android Dailypakistan app

دبئی (طاہر منیر طاہر) متحدہ عرب امارات میں پاکستان کے سفارت خانے نے پاکستان کے قومی دن کی مناسبت سے ایک استقبالیہ کا اہتمام کیا جس میں سفارتی کور کے ارکان، یو اے ای حکومت کے اعلیٰ حکام، اماراتی شہریوں اور پاکستانی برادری نے تقریب میں شرکت کی۔

 ابوظہبی میں پاکستان کے سفارت خانے کی طرف سے جاری بیان کے مطابق رواداری اور بقائے باہمی کے وزیر شیخ نہیان بن مبارک النہیان اس موقع پر مہمان خصوصی تھے۔ پاکستانی فنکاروں نے بانسری اور طبلے کے روایتی آلات پر پاکستان اور متحدہ عرب امارات کے قومی ترانے بجائے۔اس موقع پر خطاب کرتے ہوئے پاکستانی سفیر فیصل نیاز ترمذی نے قرارداد پاکستان کی اہمیت کو اجاگر کرتے ہوئے ایک نوزائیدہ ریاست کی بڑھتی ہوئی ضروریات سے نمٹنے اور بعد میں سماجی و اقتصادی ترقی کے حصول کے لیے سخت جدوجہد پر روشنی ڈالی۔ انہوں نے پاکستان میں ایسے متعدد مواقع کی طرف توجہ دلائی جو ملک میں سماجی و اقتصادی ترقی کو فروغ دینے میں کلیدی حیثیت رکھتے ہیں۔ عوامی زندگی میں خواتین کی بڑھتی ہوئی شرکت اور زراعت کی صلاحیت، رنگا رنگ سماجی ثقافتی ورثہ، سیاحت کی صلاحیت، اور سب سے تیزی سے ترقی کرنے والا آئی ٹی سیکٹر کا ذکر کیا۔
انہوں نے اس بات پر زور دیا کہ نئی حکومت ایک ترقی پسند ایجنڈے کو آگے بڑھانے کے لیے پرعزم ہے جس کا مقصد اقتصادی ترقی اور پائیدار ترقی کے اہداف کے حصول کے لیے ٹھوس پیش رفت کرنا ہے۔ بات چیت کی ضرورت پر زور دیتے ہوئے انہوں نے غزہ میں مخاصمت کے فوری خاتمے پر زور دیا اور مسئلہ فلسطین اور جموں و کشمیر کے تنازع کے حل کے لیے اقوام متحدہ کی سلامتی کونسل کی قراردادوں کے مطابق پاکستان کے موقف کی توثیق کی۔


سفیر فیصل نیاز ترمذی نے گزشتہ پانچ دہائیوں میں متحدہ عرب امارات کی متاثر کن اقتصادی ترقی کا اعتراف کیا اور مرحوم شیخ زید بن سلطان النہیان کی دور اندیش قیادت کو زبردست خراج تحسین پیش کیا جسے موجودہ صدر شیخ محمد بن زید النہیان نے فخر کے ساتھ جاری رکھا۔ انہوں نے کہا کہ پاکستان اور متحدہ عرب امارات کی بڑھتی ہوئی مضبوط سیاسی اور اقتصادی شراکت داری کا مظاہرہ باقاعدہ اعلیٰ سطحی رابطوں، مستحکم اداروں اور 1.8 ملین پاکستانیوں کی موجودگی کے ذریعے ہوتا ہے۔


آخر میں انہوں نے متحدہ عرب امارات کی معیشت میں پاکستانی افرادی قوت کے کردار کو سراہا۔ پاکستان کے تمام صوبوں سے روایتی علاقائی لباس میں ملبوس شیخ خلیفہ بن زید عرب پاکستان اسکول کے بچوں نے ثقافتی پرفارمنس پیش کی اور پاکستان کی بھرپور ثقافت اور اس کے تنوع کی نمائندگی کی۔ اس موقع پر پاکستان کے ممتاز کاروباری شخصیات میں سے ایک مدثر شیخہ کو ان کی شاندار خدمات پر تمغہ امتیاز سے نوازا گیا۔