ایلیا ویویانی نے یو ایس پرو چیلنج سائیکل ریس کا چوتھا مرحلہ جیت لیا
کولاراڈو ( نیٹ نیوز)اٹلی کے ایلیا ویویانی نے یو ایس پرو چیلنج سائیکل ریس کا چوتھا مرحلہ جیت لیا ۔ ریس میں مجموعی برتری امریکی رائیڈر کے نام رہی ۔ امریکی ریاست کولاراڈو میں ہونیوالی سائیکل ریس کا چوتھا مرحلہ 125 اعشاریہ سات کلومیٹر کے فاصلے پر مشتمل تھا ۔ جس میں بھی رائیڈرز جیت کے لیے خوب پرجوش نظر آئے ۔ اٹلی کے ایلیا ویویانی نے شاندار پرفارمنس دکھاتے ہوئے سب کو پیچھے چھوڑ دیا ۔ چند سیکنڈز کے فرق سے سوئٹزرلینڈ کے مارٹن کوہلر کی دوسری اور رومانیہ کے سرجی ٹویٹکوو کی تیسری پوزیشن رہی ۔ ریس میں ابھی تک مجموعی طور پر امریکہ کے ٹی جے وین گارڈیرن کی برتری برقرار ہے ۔ وہ پولینڈ کے رائیڈر رافیل ماجکا سے بیس سیکنڈز کی برتری کے ساتھ پہلی پوزیشن پر براجمان ہیں ۔