سورج گرہن کے موقع پر ’’ٹرمپ ‘‘کے دماغ کو بھی گرہن لگ گیا

سورج گرہن کے موقع پر ’’ٹرمپ ‘‘کے دماغ کو بھی گرہن لگ گیا

واشنگٹن (مانیٹرنگ ڈیسک)امریکی صدر ڈونلڈ ٹرمپ کے انداز نرالے ، سورج گرہن کے موقع پر ان کے دماغ کو بھی گرہن لگ گیا۔ احتیاطی تدابیر سے لاعلم امریکی صدر وائٹ ہاؤس کی بالکونی پر کھڑے ہو کر بغیر چشمے کے سورج گرہن کا نظارہ کرتے رہے ، میلانیا کے یاد کرانے پر ٹرمپ کو چشمہ لگانا یاد آیا جبکہ ایوانیکا ٹرمپ بھی اس تاریخی نظارے کو دیکھنے کیلئے موجود تھیں۔غیر ملکی میڈیا کے مطابق امریکی صدرڈونلڈ ٹرمپ سورج گرہن دیکھنے وائٹ ہاؤس کی بالکونی پر میلانیا کے ساتھ پہنچے مگر چشمہ لگانا بھول گئے آسمان کی طرف عجیب و غریب اشارے بھی کئے۔میلانیا کے یاد کرانے پر ٹرمپ نے جیب سے چشمہ نکالا مگر لگایا نہیں۔ میلانیا کچھ کہنے کیلئے انہیں پلر کے پیچھے لے گئیں جس کے بعد ڈونلڈ ٹرمپ نے چشمے کے ساتھ انٹری دی۔سورج گرہن کا نظارہ دیکھنے کیلئے ایوانیکا ٹرمپ اور امریکی وزرا بھی موجود تھے ، سب نے کالے چشمے لگائے مگر ڈونلڈ ٹرمپ کو یاد نہ رہا۔

ٹرمپ/گرہن

مزید : صفحہ آخر