دوران پروازخاتون کوہارٹ ایٹک ،پی آئی اے طیارہ کی ماسکو میں لینڈنگ

دوران پروازخاتون کوہارٹ ایٹک ،پی آئی اے طیارہ کی ماسکو میں لینڈنگ

  

 ماسکو(مانیٹرنگ ڈیسک) پاکستان انٹرنیشنل ائیرلائنز (پی آئی اے) کی لندن سے لاہور کی پرواز PK758 میں خاتون مسافر کو دل کا دورہ پڑنے کے سبب طیارے کو ماسکو میں اتارنا پڑا۔پی آئی اے ترجمان کے مطابق 58 سالہ خاتون مسافر کی جان بچانے کیلئے طیارے کے کپتا ن نے پرواز کا رخ موڑتے ہوئے طیارے کو ماسکومیں لینڈ کرادیا۔ترجمان کے مطابق پی آئی اے کیبن کریو نے طیارے میں موجود تین ڈاکٹرز کی مدد سے خاتون مسافر کو ابتدائی طبی امداد فراہم کی۔خاتون مسافرکی طبی حالت کے پیش نظر طیارے میں موجود ڈاکٹرز نے مریضہ کو فوری طور پر ہسپتال منتقل کرنے کی ہدایت کی۔طیارے کے کپتان خالد انور نے طیارے کو قریبی ماسکو ائیر پورٹ اتار دیا جہاں سے مریضہ کو فوری طور پر ہسپتال منتقل کر دیا گیا۔ مسافر شہناز اختر کی طبی حالت اب بہتر ہے اور پی آئی اے نے لاہور میں ان کے عزیز واقارب کو اس کی اطلاع دےدی ہے۔طیارہ دو گھنٹے ماسکو میں رکنے کے بعد اپنی منزل لاہور کیلئے پرواز کرگیا۔پی آئی اے کے چیف ایگزیکٹو آفیسر ائیر مارشل ارشد ملک اور چیف فلائٹ آپریشن آفیسر کیپٹن عذیر نے کاک پٹ کریو اور کیبن کریو کی خدمات کے اعتراف میں ان کیلئے تعریفی اسناد کا اعلا ن کیا ہے۔

ماسکو لینڈنگ

مزید :

صفحہ آخر -