محکمہ ایکسائز‘ پراپرٹی ٹیکس میں شہریوں کو دئیے جانیوالے رعایتی نوٹس بھی تاخیر کا شکار 

محکمہ ایکسائز‘ پراپرٹی ٹیکس میں شہریوں کو دئیے جانیوالے رعایتی نوٹس بھی ...

  

 ملتان (  نیوز رپورٹر) محکمہ ایکسائز ٹیکسیشن اینڈ نارکوٹکس پنجاب کی جانب سے پی ٹی 10 فارم کے اجراء  میں تعطل کے باعث پراپرٹی ٹیکس میں شہریوں کی دیئے جانیوالے رعایتی نوٹس بھی تاخیر کا شکار ہوکر رہ گئے ہیں ایکسائز ذرائع کے مطابق ٹیکس ائیر کے ابتدائی تین ماہ کے دوران شہریوں کو رہائشگاہوں (بقیہ نمبر15صفحہ12پر)

 اور کمرشل تجارتی مراکز کو پی ٹی 10 فارم کے ذریعے 5 فیصد رعایت دی جاتی ہے گورنمنٹ کی اس رعائیتی سہولت سے استفادہ کرتے ہوئے ٹیکس دہندگان جولائی سے دسمبر تک مقررہ ٹیکس ہدف کا نصف سے زائد ادا کردیتے ہیں اس صورتحال میں بقیہ نصف ٹارگٹ کی ریکوری بھی آسانی سے ہوجاتی ہے اس کے برعکس تاخیری حربے اختیار کرنے سے ٹیکس ریکوری میں فیلڈ ملازمین کو شدید مشکلات کا سامنا کرنا پڑتا ذرائع نے بتایا کہ گذشتہ سال بھی ڈی جی آفس کی جانب سے پی ٹی 10 فارم کا جولائی کے آغاز میں اجراء کرنے کی بجائے چھ ماہ تاخیر سے دسمبر میں کیا گیا جس کے باعث ٹیکس ریکوری پر مامور فیلڈ ملازمین کو مقررہ ہدف کی وصولی میں شدید مشکلات کا سامنا کرنا پڑا ڈی جی آفس امسال بھی تاخیری حربے اختیار کرکے مقررہ ٹیکس اہداف کی ریکوری کو خود متاثر کرنے کے درپے ہے۔۔

پراپرٹی ٹیکس 

مزید :

ملتان صفحہ آخر -