یورپی یونین نے کابل میں پھنسے اپنے لوگوں کے انخلا کے لیے پی آئی اے سے مدد مانگ لی
کراچی(این این آئی)یورپی یونین نے کابل میں پھنسے اپنے لوگوں کے انخلا کے لیے پی آئی اے سے مدد مانگ لی۔یورپی یونین کے پاکستان میں متعین سفیر نے سی ای او پی آئی اے کو خط لکھا جس میں کابل میں پھنسے 420 مسافروں کو پاکستان لانیکی درخواست کی گئی ہے۔خط میں کہا گیا ہے کہ کابل ائیرپورٹ پر ہمارے 420 ملازمین اور ان کے بچے پھنسے ہیں یورپی یونین کے لوگوں کوپی آئی اے کے ذریعے پاکستان لایاجائے ترجیحی بنیادوں پر 251لوگوں کوکابل سے نکالا جائے۔مسافروں کو دوسری ایئرلائنز سے یورپ منتقل کرنے کے انتظامات کی درخواست بھی کی گئی ہے۔ ایشئن ڈویولپمنٹ بینک کے ڈی جی نے پی آئی اے کے سی ای او کو خط لکھ کر ایشین ڈویلپمنٹ بینک کے عملے کے جلد انخلا کیلئے درخواست کی ہے۔ خط کے مطابق اے ڈی پی کے 290 مسافروں کو کابل سے پاکستان منتقل کیا جائے اے ڈی بی اپنے شہریوں کیلئے اسلام آبادسے 2خصوصی پروازوں کاانتظام کریگا، اے ڈی بی اسٹاف کیلئے عملہ اسلام آباد میں انتظامات مکمل کرے گا۔
یورپی یونین