مینارپاکستان واقعے پربنائی گئی انکوائری کمیٹی کی رپورٹ کی اہم تفصیلات سامنے آگئیں

 مینارپاکستان واقعے پربنائی گئی انکوائری کمیٹی کی رپورٹ کی اہم تفصیلات ...
 مینارپاکستان واقعے پربنائی گئی انکوائری کمیٹی کی رپورٹ کی اہم تفصیلات سامنے آگئیں

  

لاہور(ڈیلی پاکستان آن لائن ) مینار پاکستان واقعے پر بنائی جانے والی تین رکنی انکوائری کمیٹی نے رپورٹ انسپکٹر جنرل (آئی جی ) پنجاب پولیس انعام غنی کو ارسال کردی۔ رپورٹ کے مطابق ناقص سکیورٹی انتظامات پرلاہورپولیس کو ذمہ دارقرار دے دیا گیا۔

نجی ٹی وی دنیا نیوز نے ذرائع کے حوالے سے بتایا کہ یوم آزادی کے موقع پرلاہورمیں سکیورٹی کاجامع پلان تشکیل دیاگیاتھا لیکن ڈی آئی جی ساجدکیانی اورایس ایس پی آپریشنزبھی لاعلم رہے اورسی سی پی اوبھی فلیگ مارچ اوردفتری میٹنگزکوترجیح دیتے رہے۔

رپورٹ کے مطابق سی سی پی اوکارروائیوں میں سب اچھاکی رپورٹ سے مطمئن رہے حالانکہ گریٹر اقبال پارک کوسکیورٹی کے لحاظ سے ہا ٹ سپاٹ میں شامل کیاگیاتھالیکن یوم آزادی پرپارک میں پلان کے مطابق سکیورٹی تعینات نہیں تھی۔

رپورٹ میں مزید کہا گیا کہ ایس پی سٹی نے اہم پوائنٹس پرسکیورٹی انتظامات نظراندازکئے جبکہ واقعے کے دوران ون فائیوپرکی گئی کالزکے باوجودپولیس تاخیرسے پہنچی۔

واضح رہے کہ آئی جی پنجاب نے واقعہ کی انکوائری کیلئے 3 رکنی ٹیم تشکیل دی تھی ۔

مزید :

اہم خبریں -علاقائی -پنجاب -لاہور -