یوٹیلیٹی سٹورز پر 50ارب کی سبسڈی ختم، پونے 3کروڑ غریب متاثر ہونگے 

                                                            اسلام آباد (آئی این پی) حکومت نے مستحقین کے لیے چینی، آٹا، گھی، دالوں اور چاول پر سبسڈی ختم کرد ی۔ یوٹیلٹی سٹورز سے اشیا کی رعایتی نرخوں پر فروخت فوری روک دی گئی۔یوٹیلٹی سٹورز پر 50 ارب روپے کی سبسڈی پر عمل درآمد روک دیا گیا، حکومت نے سبسڈی روکنے کے زبانی احکامات دیئے، تحریری آرڈرز جلد جاری ہونگے۔ سبسڈی روکنے کا فیصلہ وفاقی کابینہ کے حالیہ اجلاس میں کیا گیا۔سبسڈی روکنے سے 2 کروڑ 60 لاکھ مستحق خاندان متاثر ہوں گے، یوٹیلٹی سٹورز سے ماہانہ40 ہزار سے کم آمدن والے افراد کو سبسڈی مل رہی تھی تاہم آٹا، گھی، چاول، چینی اور دالوں پر مزید سبسڈی نہیں ملے گی۔اب یوٹیلٹی سٹورز پر بھی عام مارکیٹ کے ریٹ پر اشیا دستیاب ہوں گی، یوٹیلٹی سٹورز پر عوام کو 5 بنیادی اشیا پر 25 فیصد تک سبسڈی مل رہی تھی، سبسڈی کی رقم اب بجلی بلوں میں ریلیف اور دیگر مقاصد پر خرچ ہوگی۔

 یوٹیلٹی سٹورز