علی امین گنڈاپور کی کارکنوں میں 5، 5 ہزار روپے تقسیم کرنے کی ویڈیو وائرل

  پشاور(آئی این پی)وزیراعلی خیبر پختونخوا علی امین گنڈاپور کی صوابی میں پی ٹی آئی کارکنوں اور ڈرائیوروں میں پانچ، 5 ہزار روپے تقسیم کرنے کی ویڈیو وائرل ہو گئی۔علی امین گنڈاپور کی عمر ایوب اور شبلی فراز کے ہمراہ ایک ویڈیو وائرل سوشل میڈیا پر ہو رہی ہے جس میں دیکھا جا سکتا ہے کہ اسلام آباد میں جلسہ ملتوی ہونے کے بعد وزیراعلی کی جانب سے پارٹی کارکنان اور ڈرائیوروں میں پانچ، 5 ہزار روپے تقسیم کئے  گئے۔اس موقع پر علی امین گنڈا پو ر نے کہا کہ ہمارے ارادے این او سی منسوخ ہونے کے باوجود  جلسہ کرنے کے تھے لیکن بانی پی ٹی آئی کے حکم کی وجہ سے جلسہ ملتوی کیا ہے۔مشیر اطلاعات بیرسٹر محمد علی سیف کا کہنا ہے کہ وزیراعلیٰ نے اپنی جیب سے پیسے تقسیم کئے  ہیں، وزیراعلیٰ کوغریبوں کی فکر ہے اور وہ انکے بہت ہمدرد ہیں،غریبوں میں پیسے تقسیم کرنا کوئی بری بات نہیں۔ انہوں نے کارکنوں کی حوصلہ دیا ہے اور ان میں پیسے تقسیم کئے  ہیں۔

 ویڈیو وائرل