کے الیکٹرک نے بجلی مزید 3 روپے مہنگی کرنے کی درخواست جمع کرادی

 کراچی(مانیٹرنگ ڈیسک) شہر قائد کے باسیوں کیلئے بجلی مزید مہنگی ہونے کا امکان ہے کیونکہ کے الیکٹرک نے بجلی کی قیمت میں مزید اضافے کیلئے نیپرا میں درخواست جمع کرادی ہے۔ترجمان کے الیکٹرک کے مطابق جولائی 2024 کیلئے فیول چارجز ایڈجسٹمنٹ (ایف سی اے) کی درخواست پر نیپرا میں 29 اگست کو عوامی سماعت ہو گی، درخواست میں 3.09 روپے فی یونٹ ایف سی اے اضافے کی استدعا کی گئی ہے۔کے الیکٹرک ترجمان کے مطابق  نیپرا درخواست کی جانچ پڑتال کے بعد تحریری فیصلہ جاری کریگی۔ عوامی سما عت کے بعد نیپرا کے فیصلے کے ذریعے واضح کیا جائیگا کہہ ایف سی اے کس مہینے کے بل میں لاگو ہوگا۔کے الیکٹرک ترجمان نے وضاح کی ایف سی اے کا انحصار ایندھن کی عالمی سطح پر قیمتوں کے اتار چڑھاؤ اور جنریشن مکس پر ہوتا ہے۔

کے الیکٹرک