حکمران اپنی اصلاح کر کے ہوش کے ناخن لیں: علی امین گنڈا پور

                                                            صوابی (بیور و رپورٹ) وزیر اعلیٰ خیبر پختونخوا علی آمین گنڈہ پور نے واضح کیا کہ حکمران اپنی اصلاح کرکے ہوش کے ناخن لیں آئین اور قانون کی پاسداری کرنا عدالتوں، اداروں اور حکومتوں کا فرض ہے صوابی کے مختصر دورے کے موقع پر میڈیا سے گفتگو کرتے ہوئے انہوں نے کہا ہے کہ کل 22 اگست کہ  ترنول میں پی ٹی آئی کا تاریخی جلسہ عام ہو رہا تھا اور اس کے لئے ہم نے بھر پور تیاری کی ہوئی تھی چونکہ ہم یم سب اپنے لیڈر عمران خان کے حکم کے پابند ہیں،  اس لئے ہم نے عمران خان کے حکم پر آج اسلام آباد کا جلسہ ملتوی کردیا ہے، انہوں نے کہا کہ 8 ستمبر کو ہم اسلام آباد میں بھر عوامی طاقت کا مظاہرہ کریں گے،  عمران خان کے حکم پر ہم آگے جانے اور پیچھے ہٹنے کے لئے بھی تیار ہیں ان کے ہر حکم پر ڈنگے کے چوٹ پر عمل کرکے آخری حد تک جانے کو تیار ہیں ہمارے جلسے کی این او سی بار بار منسوخ کی جارہی ہے،  وفاق میں بیٹھی جعلی حکومت تحریک انصاف کے خلاف ایک منصوبہ بندی کے تحت فسطائیت کر رہی ہے، اگلی دفعہ اگر این او سی نہ بھی ملے پھر بھی ہم جلسہ کریں گے، انہوں نے کہا کہ عمران خان نے ایک بار پھر ثابت کردیا کہ وہ پاکستان میں قانون کی پاسداری  اور ترقی چاہتے ہیں،  عمران خان جو بھی کرتے ہیں،  ملک اور قوم کیمفاد کے  لئے سوچتے ہیں، انہوں نے کہا کہ عمران خان نے تصادم کے خدشے کے پیش نظر آج کا جلسہ ملتوی کرنے کا حکم دیا، کیونکہ وہ تصادم اور انتشار نہیں چاہتے،  عمران خان اپنا نہیں بلکہ ملک اور قوم کا سوچتا ہے، وزیر اعلیٰ خیبر پختونخوا نے کہا کہ میں حکومت اور اداروں کو واضح پیغام دیتا ہوں کہ عدالتوں کا احترام اور قانون کی پاسداری ان پر فرض ہے اور وہ اپنا فرض پورا کریں، جعلی حکومت بار بار فسطائیت کرکے ہمارے ظرف اور صبر کا امتحان نہ لے،  بار بار ملک کا آئین توڑنے والی مینڈیٹ چور حکومت کو پیغام دیتا ہوں کہ ہوش کے ناخن لیں،  ہمیں اس حد تک جانے پر مجبور نہ کرے جو آپ برداشت نہ کر سکیں،  علی امین گنڈاپور نے کہا کہ عمران خان کے حکم پر میں نے سر پر سفید چادر باندھ نکلا ہوں آج ہم سب نے سروں پر کفن باندھ کے نکلتے ہیں، بانی پی ٹی آئی نے کہا کہ رک جاؤ تو ہم رک گئے اب بھی ان کے کال پر لبیک کہنے کو تیار ہیں وزیر اعلیٰ  آپ کا وہ حال کر دیں گے کہ آپ کی نسلیں یاد رکھیں گی، ہمیں مجبور نہ کیا جائے کہ حالات کنٹرول سے باہر نکل کر اس پر قابو نہ پا سکے،