پتنگ بازی، پتنگ سازی ناقابل ضمانت جرم قرار
کوٹ ادو(تحصیل رپورٹر)محکمہ داخلہ پنجاب نے پتنگ بازی، پتنگ سازی اور ٹرانسپورٹ کرنا ناقابل ضمانت جر(بقیہ نمبر15صفحہ7پر)
م قراردے دیا،پتنگ کیساتھ ساتھ دھاتی ڈور،تار، تندی اور مانجھا لگی ڈور کی تیاری،استعمال اور ٹرانسپورٹیشن بھی جرم قرار دیئے گئے۔پنجاب کابینہ نے پتنگ بازی پر پابندی کے ایکٹ 2007 میں اہم ترامیم منظور کر لیں جن کے مطابق پتنگ اڑانے والے کو 3 سے 5 سال قید یا 20 لاکھ جرمانہ یا دونوں ہوں گے، پتنگ اڑانے والے کوجرمانے کی عدم ادائیگی پرمزید 1 سال قید کی سزا ہو گی،پتنگ ساز اور ٹرانسپورٹر کو 5 سے 7 سال قید یا 50 لاکھ جرمانہ یا دونوں ہونگے۔ اس کے علاوہ پتنگ بنانے والے اور ٹرانسپورٹر کو جرمانے کی عدم ادائیگی پر مزید 2 سال قید کی سزا ہو گی، پتنگ بنانا اور اس کی ٹرانسپورٹیشن بھی ناقابل ضمانت جرم قرار دیئے گئے، پتنگ باز بچے کو پہلی بار وارننگ، دوسری بار پکڑے جانے پر 50 ہزار جرمانہ ہو گا، پتنگ باز بچے کو تیسری دفعہ خلاف ورزی پر 1 لاکھ جرمانہ ہو گا، پتنگ باز بچہ جرمانہ ادا نہ کر سکے تو اسکے والدین یا سرپرست سے وصول کیا جائے گا، چوتھی خلاف ورزی پر بچے کو جوینائل جسٹس سسٹم ایکٹ 2018 کے تحت سزا اور جیل جانا پڑے گا۔
