لاہور ؛ تاوان کیلئے اغوا ءہونیوالی 5سالہ بچی قتل، ملزم گرفتار
لاہور(ڈیلی پاکستان آن لائن)لاہور کے علاقے باٹا پور میں تاوان کیلئے اغوا ءہونے والی معصوم بچی کو قتل کر دیا گیا،پولیس نے ملزم کو حراست میں لے لیا۔
نجی ٹی وی چینل" جیو نیوز" کے مطابق پولیس کا کہنا ہے کہ ملزم نے 5سال کی فجر کو گلہ دبا کر قتل کیااور لاش جنگل میں پھینک دی، بچی کی لاش کی باقیات مل گئیں، ملزم کاشف کیخلاف مقدمہ درج کر لی۔
پولیس کا مزید کہنا ہے کہ ملزم کاشف بچی کے گھر کے سامنے رہتا تھا اور اس کے والد کا دوست تھا، بچی کے والد راشد نے ملزم کو کاروبار کیلئے 10لاکھ ادھار دے رکھے تھے،ملزم نے بچی کو 10 اگست کی شام اغواء کیا اور اسی روز قتل کردیا،ملزم کاشف بچی کے والد سے تاوان کیلئے رقم کا مطالبہ کرتا رہا، بچی کے کپڑے اور سر کے بال برآمد کرکے فرانزک کو بھجوا دیئے،بچی کی ہڈیاں اور خون آلود کپڑے ملزم کی نشاندہی پر برآمد کرلیے۔
