بورے والا(ڈیلی پاکستان آن لائن)بورے والا میں خواتین ٹیچرز کی سکول وین میں آگ لگ گئی۔
نجی ٹی وی چینل دنیا نیوز کے مطابق سکول وین چھٹی کے بعد ٹیچرز کو لیکر واپس آ رہی تھی کہ اچانک آگ بھڑک اٹھی،وین میں سوار10ٹیچرز نے چھلانگیں لگا کر جان بچائی،آگ کی لپیٹ میں آنے والی وین مکمل طور پر چل گئی ،تاہم واقعہ میں خواتین ٹیچرز مکمل محفوظ رہیں،وین میں آتشزدگی کی وجہ وائرنگ میں شارٹ سرکٹ بتائی جارہی ہے۔