پی ٹی آئی رہنما عالیہ حمزہ کی 15دن کی حفاظتی ضمانت منظور

اسلام آباد (ڈیلی پاکستان آن لائن)اسلام آباد ہائیکورٹ  میں تحریک انصاف کی رہنما عالیہ حمزہ کی حفاظتی ضمانت کی درخواستوں پر سماعت  ہوئی۔

اسلام آباد ہائیکورٹ نے عالیہ حمزہ کی 15 دن کی حفاظتی ضمانت منظور کر لی،جسٹس میاں گل حسن اورنگزیب نے درخواستوں پر سماعت کی ۔

عدالت نے عالیہ حمزہ کو 15 روز میں متعلقہ عدالت میں پیش ہونے کا حکم دیا۔

دوران سماعت جسٹس میاں گل حسن اورنگزیب  نے استفسار کیا کہ عالیہ حمزہ کتنے دن جیل میں رہیں،  جس پر ان کے وکیل نے کہا کہ عالیہ حمزہ نے 15 ماہ اور چھ دن جیل میں گزارے ، عدالت نے عالیہ حمزہ کے وکیل سے استفسار  کیا کہ آپ کو کتنے دن چاہیے  جس پر ان کے وکیل نے کہا کہ ہمیں دو ہفتے کا وقت دے دیں۔