تر سیلات زر کے زریعے نصف درآمدی بل کی ادائیگی کی جا رہی ہے:عبدالرؤف عالم

لاہور(کامرس رپورٹر)ایف پی سی سی آئی کے صدر عبدالرؤف عالم نے کہا ہے کہ تر سیلات زر کے زریعے نصف امپورٹ بل کی ادائیگی کی جا رہی ہے اسلئے ان کا کردار معیشت میں انتہائی اہمیت کا حامل ہے۔ملک کی موجودہ اقتصادی صورتحال میں ترسیلات زر کی اہمیت بہت زیادہ بڑھ گئی ہے اسلئے حکومت ترسیلات زر بڑھانے کیلئے اقدامات کرے جس میں لیبر کیلئے نئی مارکیٹوں کی تلاش شامل ہو۔ ایف پی سی سی آئی کے صدر عبدالرؤف عالم نے یہاں جاری ہونے والے ایک بیان میں کہا کہ سال رواں کے ابتدائی پانچ ماہ میں ترسیلات زر میں معمولی کمی ریکارڈ کی گئی ہے جس کا نوٹس لیا جائے۔ ترسیلات کے نظام کو بہتر بنانے اور باقائدہ کرنے کی جتنی ضرورت آج ہے پہلے کبھی نہ تھی۔ انھوں نے کہا کہ ترسیلات سے متعلق بعض قوانین میں کمزوریاں ہیں جنھیں دور کرنے سے اس میں اضافہ ہو گا جس سے ملک زرمبادلہ کے ذخائر مستحکم اور ملک خوشحال ہو گا۔ پاکستان آنے والی ترسیلات میں سے 65 فیصد مشرق وسطیٰ سے آ رہی ہیں جبکہ باقی ماندہ امریکہ، یورپ اور دیگر ممالک سے آتی ہیں جبکہ برطانیہ کے یورپی یونین سے انخلاء کے بعد وہاں سے آنے والا زرمبادلہ کم ہو سکتا ہے۔انھوں نے کہا کہ تیل کی قیمتوں میں اضافہ کے رجحان سے جہاں تیل درامد کرنے والے ممالک کی مشکلات میں اضافہ ہو گا وہیں تیل برآمد کرنے والے ممالک کے بجٹ متوازن ہو جائیں گے

گزشتہ ایک سال کے دوران اشیاء خورو نوش کی قیمتوں میں ہوشربا اضافہ، وہ کونسی چیز ہے جو سستی ہوئی ؟

جس سے ترسیلات زر میں اضافہ ہو گا۔