بیلسٹک میزائل تجربوں پر اقوام متحدہ نے شمالی کوریا کے خلاف بڑا قدم اٹھا لیا ،ایسی چیز پر پابندی لگا دی کہ شمالی کوریا کے لیے شدید مالی بحران کا خدشہ پیدا ہو گیا

بیلسٹک میزائل تجربوں پر اقوام متحدہ نے شمالی کوریا کے خلاف بڑا قدم اٹھا لیا ...
بیلسٹک میزائل تجربوں پر اقوام متحدہ نے شمالی کوریا کے خلاف بڑا قدم اٹھا لیا ،ایسی چیز پر پابندی لگا دی کہ شمالی کوریا کے لیے شدید مالی بحران کا خدشہ پیدا ہو گیا

  

نیویارک(ڈیلی پاکستان آن لائن) اقوام متحدہ کی سلامتی کونسل نے شمالی کوریا کے حالیہ بیلسٹک میزائل تجربوں کے جواب میں اس پر مزید سخت پابندیاں لگانے کی قرارداد اتفاق رائے سے منظور کرلی ہے۔

غیرملکی میڈیا کے مطابق قرارداد کے تحت شمالی کوریا کی تمام پیٹرولیم مصنوعات کی برآمدات میں 90 فیصد کمی کی جائے گی، جب کہ شمالی کوریا کی مصنوعات درآمد کرنے کے لیے سلامتی کونسل سے منظوری لینا ضروری ہوگا۔امریکا کی جانب سے پیش کی گئی قرارداد میں کہا گیا ہے کہ 50 ہزار سے 80 ہزار شمالی کوریائی باشندے چین میں اور لگ بھگ 30 ہزار سے زائد روس میں کام کر رہے ہیں، ان افراد کی بھیجی جانے والی رقوم شمالی کوریا کی حکومت اپنے غیر قانونی پروگراموں کے وسائل کے طور پر استعمال میں لیتی ہے۔

”فلسطین کو آزاد ریاست تسلیم کر لیں گے “اہم مغربی ملک اور امریکہ کے بڑے اتحادی نے ایسا اعلان کردیا کہ مسلم دنیا میں خوشی کی لہر دوڑ گئی

چین اور روس جو کہ شمالی کوریا کے بڑے تجارتی پارٹنر ہیں، انہوں نے بھی اس قرارداد کے حق میں ووٹ دیا ، جس کے تحت شمالی کوریا کے بیرون ملک کام کرنے والے شہریوں کی طرف سے اپنے ملک کو بھیجے جانے والے مالی وسائل کو بھی روکا جائے گا۔

اقوام متحدہ میں امریکہ کی سفیر نکی ہیلی کا کہنا ہے کہ ان پابندیوں سے شمالی کوریا کو واضح پیغام دیا جائے گا کہ مزید خلاف ورزی کرنے پراسے مزید سزائیں اور علیحدگی کا سامنا کرنا پڑے گا۔

لائیو ٹی وی پروگرامز، اپنی پسند کے ٹی وی چینل کی نشریات ابھی لائیو دیکھنے کے لیے یہاں کلک کریں

خیال رہے کہ شمالی کوریا پر پہلے ہی امریکہ، اقوام متحدہ اور یورپی یونین کی جانب سے کافی پابندیاں لگائی جا چکی ہیں۔

مزید : بین الاقوامی