عرب لیگ کا آئی سی سی کے اسرائیل کے خلاف فیصلے کا خیر مقدم

  عرب لیگ کا آئی سی سی کے اسرائیل کے خلاف فیصلے کا خیر مقدم

  



قاہرہ(این این آئی)عرب لیگ نے عالمی عدالت انصاف کی طرف سے فلسطینیوں کے خلاف اسرائیلی ریاست کے جنگی جرائم کی تحقیقات کی تحقیقات کے اعلان کا خیر مقدم کیا ہے۔مرکزاطلاعات فلسطین کے مطابق عرب لیگ کی طرف سے گذشتہ روزہ قاہرہ میں صدر دفتر سے جاری ایک بیان میں کہا گیا کہ عالمی فوج داری عدالت کی طرف سے فلسطینیوں کے خلاف اسرائیلی ریاست کے جنگی جرائم کی تحقیقات کا اعلان اہم پیش رفت ہے اور عرب لیگ اس کا خیر مقدم کرتی ہے۔عرب لیگ کے سیکرٹری جنرل احمد ابو الغیط کے معاون خصوصی برائے فلسطین سعید ابو علی نے کہا کہ عرب لیگ عالمی عدالت انصاف کے اعلان کو قدر کی نگاہ سے دیکھتی ہے۔خیال رہے کہ دو روز قبل عالمی فوج داری عدالت کی طرف سے کہا گیا ہے کہ وہ فلسطینیوں کے خلاف اسرائیلی ریاست کے جرائم کی تحقیقات کی تیاری کررہی ہے۔ عالمی عدالت کی خاتون پراسیکیوٹر کے اعلان پر فلسطینی حلقوں کی طرف سے خیر مقدم کیا گیا جب کہ اسرائیل نے اس پر سخت برہمی کا اظہار کیا ہے۔ اسرائیلی وزیراعظم کا کہنا تھا کہ عالمی عدالت انصاف کے پاس فلسطینیوں کے خلاف جرائم کی تحقیقات کا مینڈیٹ نہیں۔

مزید : عالمی منظر /پشاورصفحہ آخر