بدھ اور جمعہ کو سرکاری چھٹی کااعلان کر دیا گیا

کراچی (ڈیلی پاکستان آن لائن )حکومت سندھ نے بانی پاکستان قائد اعظم محمد علی جناح کے یوم پیدائش، کرسمس اور بینظیر بھٹو کی برسی کے مواقع پر عام تعطیل کا اعلان کیا ہے۔
سندھ حکومت کی جانب سے جاری اعلامیے کے مطابق 25 دسمبر کو قائد اعظم محمد علی جناح کے یوم پیدائش اور کرسمس کے تہوار کے موقع پر صوبے کے سرکاری اور ماتحت اداروں میں عام تعطیل ہو گی۔نوٹیفکیشن میں کہا گیا ہے کہ 27 دسمبر کو بینظر بھٹو کی برسی کے موقع پر بھی صوبے بھر میں عام تعطیل ہو گی۔حکومت سندھ کی جانب سے 24 دسمبر کو قمبر ڈسٹرکٹ میں بھی چھٹی کا اعلان کیا گیا ہے، اعلامیے کے مطابق 24 دسمبر کو یوم شہدائ قمبر کے سلسلے میں عام تعطیل ہو گی۔