مودی اپنی بدنیتی اورچالاکی سے اقلیتوں پر ہونے والے مظالم سے دنیا کی توجہ نہیں ہٹا سکتا،فردوس عاشق

مودی اپنی بدنیتی اورچالاکی سے اقلیتوں پر ہونے والے مظالم سے دنیا کی توجہ ...
مودی اپنی بدنیتی اورچالاکی سے اقلیتوں پر ہونے والے مظالم سے دنیا کی توجہ نہیں ہٹا سکتا،فردوس عاشق

  



اسلام آباد(ڈیلی پاکستان آن لائن)وزیراعظم عمران خان کی معاون خصوصی فردوس عاشق اعوان نے کہا ہے کہ’عمران خان کے نئے پاکستان میں تمام اقلیتوں کے حقوق محفوظ ہیں اور انہیں ترقی کے یکساں مواقع میسر ہیں۔آئین پاکستان ان کے حقوق کا ضامن ہے۔ بھارت میں اقلیتیں امتیازی اور متصبانہ شہریت کے قانون کے خلاف سراپا احتجاج ہیں۔بھارتی شہر میدان جنگ کا منظر پیش کر رہے ہیں۔

اپنے سلسلہ وار ٹویتس میں فردوس نے مزید کہا کہ ’مودی اپنی بدنیتی، بدفطرتی اور چالاکی سے بھارت میں اقلیتوں پر ہونے والے ظلم و جبر سے دنیا کی توجہ ہٹا نہیں سکتا۔بھارت کے عوام نے مودی کی نفرت کے خلاف بغاوت کر دی ہے۔

معاون خصوصی نے کہا مقبوضہ جموں کشمیر میں مہینوں سے کرفیو نافذ ہے۔کشمیری مسلمانوں کی زندگیوں پر موت کے پہرے ہیں۔امتیازی شہریت کے متنازع قانون نے مودی کی مسلمانوں کے خلاف نفرت کی تصدیق کردی ہے۔

دنیا دیکھ رہی ہے کہ مودی فسطائی ذہنیت کے ساتھ بھارت میں ہندتوا کے نظریے کو نافذ کرنا چاہتا ہے۔“

مزید : قومی