احسن اقبال کی گرفتار ی پر شہباز شریف بھی میدان میں آگئے ، حکومت اور نیب پر بڑا الزام عائد کردیا

احسن اقبال کی گرفتار ی پر شہباز شریف بھی میدان میں آگئے ، حکومت اور نیب پر بڑا ...
احسن اقبال کی گرفتار ی پر شہباز شریف بھی میدان میں آگئے ، حکومت اور نیب پر بڑا الزام عائد کردیا

  



لندن (ڈیلی پاکستان آن لائن) قومی اسمبلی میں اپوزیشن لیڈر شہبازشریف نے کہاہے کہ نیب نیازی گٹھ جوڑ ہم کو عوام کی خدمت سے نہیں روک سکتا ، احسن اقبال کی گرفتاری نیب نیازی گٹھ جوڑ کا ثبوت ہے ، سی پیک اور پاک چین دوستی کو مضبوط کرنے والے کو گرفتار کرنا افسوناک ہے۔

نیب کے ہاتھوں مسلم لیگ ن کے رہنما احسن اقبال کی گرفتار پر ردعمل دیتے ہوئے شہباز شریف نے کہا کہ احسن اقبال کی گرفتاری سیاسی انتقام کی بدترین مثال ہے ، عمران نیازی حکومت سیا سی انتقام میں اندھی ہوچکی ہے ۔ انہوں نے کہا کہ حکومت نے اپنی نااہلی چھپانے کیلئے احسن اقبال کوگرفتار کیا ہے جس منصوبے پر ان کو شاباش ملنی چاہئے تھی ، اس منصوبے میں ان کو گرفتار کرلیا گیا۔

شہباز شریف کاکہنا تھا کہ احسن اقبال کی گرفتاری نیب نیازی گٹھ جوڑ کا ثبوت ہے ، سی پیک اور پاک چین دوستی کو مضبوط کرنے والے کو گرفتار کرنا افسوناک ہے ، پاکستان کی خدمت کرنے والے کوگرفتار کرنا اچھی روایت نہیں ہے ۔ انہوں نے کہا کہ نیب نیازی گٹھ جوڑ ہم کو عوام کی خدمت سے نہیں روک سکتا ۔

مزید : اہم خبریں /قومی


loading...