کراچی کی شکست پر سابق فاسٹ باؤلر محمد آصف کا تبصرہ
لاہور(ڈیلی پاکستان آن لائن)قومی کرکٹ ٹیم کے سابق فاسٹ باؤلرمحمد آصف نے کہا ہے کہ کراچی جیتا ہوا میچ ہار گیا، کراچی 5 میں سے 4 میچ ہار گیا، اب کراچی کو سوچنا پڑے گا اور اپنی غلطیوں سے سیکھنا پڑےگا۔نجی نیوز چینل کے پروگرام میں ان کا کہنا تھا کہ آخری اوور تک میچ ملتان کے ہاتھ سے نکل گیا تھا ، جس طرح عباس آفریدی نے نو بال اور وائٹ بالز کروائیں، مگر کراچی انکا فائدہ اٹھانے میں ناکام رہی۔ انہوں نے کہا کہ شعیب ملک تجربہ کار کھلاڑی ہے اس کو ذمہ داری لینی چاہیے کہ آگے آکر ٹیم کو مشکل سے نکالیں، یہ سینئر کھلاڑی کا کام ہے۔ان کا مزید کہنا تھا کہ حیدر علی کو سمجھ نہیں آرہی کہ وہ کیا کر رہا ہے، اس کو ہر نمبر پر کھیلا کے دیکھ لیا ہے، لیکن غلطی کر رہا ہے، ٹیلنٹ ہے مگر سنجیدگی سے نہیں کھیل رہا۔
