شوبز میں کسی سے مقابلہ کرنے نہیں آئی، رائمہ خان

 لاہور(فلم رپورٹر)اداکارہ رائمہ خان نے کہا ہے کہ میرا شوبز میں کسی سے مقابلہ نہیں صرف محنت پر یقین رکھتی ہوں۔ ایک انٹرویو میں رائمہ خان نے کہا کہ ٹی وی،فلم اور تھیٹر کے پروڈیوسروں کو چاہیے کہ نئے ٹیلنٹ کی بھرپور حوصلہ افزائی کریں تاکہ نئے فنکاروں کے اعتماد میں اضافہ ہو اوران کی اصلاحتیں نکھر کر سامنے آسکیں۔ انہوں نے کہا کہ میر اتھیٹر کی دنیا میں کسی سے کوئی مقابلہ نہیں ہے،میں سب کا احترام کرتی ہوں،تمام فنکاروں کو اپنے کام اور پرفارمنس پر بھرپور توجہ دینی چاہیے کیونکہ عزت و مقام محنت اور لگن سے حاصل ہوتاہے۔ رائمہ خان نے کہا کہ ہمارے شعبے میں کوئی نمبر ون نہیں  ہوتا ہر ایک ہی شائقین میں اپنی پہچان رکھتا ہے اور بہترین پرفارمنس کی کوشش کرتا ہے۔