مہنگائی اور ٹیکسوں کی بھرمار ملکی ترقی  کی راہ میں بڑی رکاوٹ،عابد علی

لاہور(سٹی رپورٹر) قومی تاجر اتحاد لاہور کے جنرل سیکرٹری حافظ عابد علی نے کہا ہے کہ مہنگائی اور ٹیکسوں کی بھرمار ملکی ترقی کی راہ میں بڑی رکاوٹ ہیں۔ عوام کی زندگی میں خوشحالی اور بہتری کے حالات اسی صورت رونما ہوسکتے ہیں جب ضروریات زندگی پر ریلیف اور عوام کیلئے قیمتیں پہنچ کے مطابق ہوں۔ مہنگے ترین بجلی کے نرخ پٹرولیم مصنوعات کی بھاری قیمتیں صنعت و تجارت پر ٹیکس مسائل کی بڑی وجہ ہیں۔

اور ڈیوٹیز بڑھانے سے ملکی معیشت میں ترقی کے اعشاریئے اڑان بھرنے کی بجائے مزید مشکلات بڑھ رہی ہیں۔ حکومت حالات اور حقائق کو دیکھتے ہوئے فیصلوں میں نظرثانی کرکے ملک کے متوسط اور سفید پوش طبقے کیلئے ریلیف کا اعلان کرے۔ آٹا چینی گھی پٹرول بجلی سمیت بنیادی ضروریات زندگی پر ٹیکس اور ڈیوٹیز کی شرح کو نصف کیا جائے۔ کاروباری طبقے پر ٹیکسوں کی شرح میں کمی کرکے روزگار کے مواقع پیدا کئے جائیں مقامی تاجر صنعتکار ٹریڈر کے حکومت ہاتھ مضبوط کرے۔