ہمدرد یونیورسٹی کی جانب سے ایکسپو سینٹرمیں کرئیر فیئرکا انعقاد 

کراچی(اسٹاف رپورٹر)ہمدرد یونیورسٹی کی جانب سے کراچی ایکسپو سینٹرمیں کرئیر فیئر 2023 کا انعقاد کیا گیا۔ کرئیر فیئرمیں صنعت، تجارت، صحت، ٹیکسٹائل، فارما سوٹیکل، فیشن، بینکنگ، ایجوکیشن سمیت دیگر شعبوں سے تعلق رکھنے والی 150 سے زائد قومی اور بین الاقومی کمپنیوں نے اپنے اسٹالز لگائے۔ہمدرد یونیورسٹی کی چانسلر سعدیہ راشد کا کہنا تھا کہ ملک میں ہرطرف مایوسی کی لہر ہے۔ اس مایوسی کی لہر میں اس قسم کے پروگرامز سے نوجوان طالبے علموں کو بہتر ملازت مل سکے گی، ہم بانی ہمدرد یونیورسٹی شہید حکیم محمد سعید  کا مشن  آگے لے کر چل رہے ہیں کیونکہ نوجوان ہی ملک کا مستقبل ہیں۔ ہمدرد یونیورسٹی کے وائس چانسلرڈاکٹرسید شبیب الحسن کا کہنا تھا کہ کرئیر فیئر2023 کروانے کا مقصد پورے صوبے کے نوجوان طالب علموں کو بہتر اور زیادہ سے زیادہ ملازمت کے مواقع فراہم کرنا ہے کیونکہ نوجوان ہی اس ملک کو مشکل گھڑی سے نکال سکتے ہیں۔ہمدرد یونیورسٹی اورک ڈیپارٹمنٹ کی اسسٹنٹ ڈائریکٹرایمن تاج کا کہنا تھا کہ آج ملک میں بے روزگاری عروج پرہے۔ اس پروگرام کا مقصد بے روزگار نوجوانوں کو بہترملازت دینا ہے۔   کرئیر فیئر 2023 میں 150 سے زائد کمپنیز،صوبے بھر کے10000 سے زائد نوجوانوں اور سماجی وسیاسی شخصیات، معروف کاروباری شخصیات، اینکرپرسن سمیت میڈیا نمائندگان نے شرکت کی۔