جیکب آباد، اہل علاقہ نے دو نایاب نابینا ڈولفن کو خطرناک قرار دے کر مار ڈالا

جیکب آباد( اے اےن اےن) جیکب آباد کے قریب ہیر و شاخ میں دو روز میں دو نایاب نابیناڈولفن کو گاﺅں والوں نے خطرناک قرار دیکر مار دیا ،وائلڈ لائف محکمہ اطلاع کے باوجود نہیں پہنچ سکا۔ تفصیلات کے مطابق جیکب آباد کے قریب قصبہ نور محمد کھوسہ سے گزرنے والی ہیرو شاخ سے دو روز کے اندر دو نایاب اندھی ڈولفن کنار ے پر نظر آنے کے باعث گاﺅں والوں نے انہیں خطر ناک سمجھ کر مار ڈالا ہیرو شاخ میں آنے والی ڈولفن کو گاﺅں والوں کی جانب سے مارنے کے بعد باہر پھینک دیا گیا ہے ایسی اطلاع وائلڈ لائف کو دی گئی مگر وائلڈ لائف کا عملہ نہ پہنچ سکا ،علاقہ کے مقامی صحافی عبدالغنی کھوسہ کے مطابق ہیرو شاخ میں دو روز کے دوران گاﺅں والوں نے دو نایا ب ڈولفن کو خطر ناک سمجھ کر مار ڈالا جبکہ نایاب نابینا ڈولفن کے متعلق عوام میں شعو ر نا ہونے کے باعث آئے دن مختلف مقامات پر ان کو مارا جا رہا ہے اس نایاب نابینا ڈولفن کی نسل کو خطرات لاحق ہیں ۔ نایاب ڈولفن مچھلیاں دریائے سندھ سے نہروں کے ذریعے مختلف مقامات پر پہنچ رہی ہیں ۔
نابینا ڈولفن