سعودی فرماں رواشاہ عبداللہ کی نماز جنازہ اداکردی گئی، شہزادہ سلمان نئے سربراہ مملکت منتخب

سعودی فرماں رواشاہ عبداللہ کی نماز جنازہ اداکردی گئی، شہزادہ سلمان نئے ...

ریاض (خصوصی رپورٹ ) علالت کے بعد انتقال کرنیوالے91سالہ سعودی فرماں رواشاہ عبداللہ کی نماز جنازہ اداکردی گئی ہے ۔شاہ عبداللہ کی نماز جنازہ میں پاکستان سے وزیراعظم نوازشریف ، وزیراعلیٰ شہبازشریف ، طارق فاطمی اور دیگر نے شرکت کی ۔ شاہ عبداللہ کی نماز جنازہ جامع مسجدریاض میں امام ترکی نے پڑھائی ۔ بتایاگیاہے کہ شاہ عبداللہ کی تدفین العود کے تاریخی قبرستان میں ہوگی ۔

عرب میڈیا کے مطابق شاہ عبداللہ کو مہروں کی تکلیف بھی تھی جبکہ تین ہفتےقبل اُنہیں نمونیا کی شکایت پر ہسپتال داخل کرایاگیاتھا، دل ، گردوں اور پھیپھڑوں نے کام کرناچھوڑدیاتھا۔ اُنہوں نے سوگواران میں چار بیویاں ، سات بیٹے اور 15 بیٹیاں چھوڑی ہیں ، شاہ عبداللہ یگم اگست 1924ء کو پیدا ہوئے تھے ۔

عرب میڈیا کے مطابق شاہ عبداللہ کے انتقال کے بعد شہزادہ سلمان  نئے فرماں روا بن گئے ہیں او ر وہ نماز عشاء کے بعد حلف اُٹھائیں گے جبکہ شہزادہ مقرن کو سعودی سلطنت کا ولی عہد مقررکردیاگیا۔

شاہ عبداللہ اٹھارہ ارب ڈالر کے ساتھ دنیا بھر میں چوتھے امیر ترین سربراہ مملکت تھے اور اُنہوں نے 2005ء میں شاہ فہد کے انتقال پر عہدہ سنبھالا تھا جبکہ وہ 1962ء میں سعودی نیشنل گارڈ کے کمانڈز منتخب ہوئے تھے  ۔وہ 1961ء میں مکہ کے میئر رہے ہیں جبکہ 1975ء میں شاہ خالد نے نائب وزیراعظم مقرر کردیاتھا۔اُنہیں دنیا کا آٹھوں طاقتور ترین شخص سمجھا جاتاتھا۔

وہ وقت جب شاہ عبداللہ صھرائی قبائل کے ساتھ رہے ۔ تفصیلات کیلئے یہاں کلک کریں ۔

شاہ عبداللہ کو خواتین کے حقوق کے سلسلے میں بہترسربراہ مملکت تصور کیاجاتاہے ، اُنہوں نے خواتین کو ووٹ ڈالنے اور اولمپکس کھیلنے کا حق دیاتھا جبکہ امریکہ و برطانیہ کے ساتھ قریبی تعلقات استوار کیے اور اربوں ڈالر کے دفاعی سازوسامان کی خریداری سمیت مختلف معاہدے کیے ۔

شاہ عبداللہ کی وفات پر امریکی صدر باراک اوباما اور وزیراعظم نوازشریف سمیت دنیا بھر کے حکمرانوں نے انتہائی گہرے دکھ اور صدمے کا اظہار کیا جبکہ فلسطین کے صدر محمود عباس نے شاہ عبداللہ کے انتقال پر تین روزہ سوگ کا اعلان کردیا۔

وزیراعظم نواز شریف نے اپنے بیان میں کہاہے کہ پاکستان ایک اچھے دوست سے محروم ہوگیا، دکھ کی اس گھڑی میں پاکستانی قوم شاہی خاندان کے ساتھ ہے جبکہ اس سے قبل وزیراعظم نواز شریف سعودی عرب میں ہی شاہ عبداللہ کی عیادت بھی کرچکے ہیں ۔

اقوام متحدہ کے سیکریٹری جنرل بان کی مون نے بھی شاہ عبداللہ کے انتقال پر دکھ اور افسوس کا اظہار کیا ، اُن کاکہناتھاکہ شاہ عبداللہ نے امن کے قیام کے لیے اہم کردار اداکیا۔

مزید : بین الاقوامی /Headlines

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...