محنت کے بغیر کوئی بڑا کھلاڑی نہیں بن سکتا، ظہیر عباس

کراچی(آئی این پی)سابق کپتان پاکستان کرکٹ ٹیم ظہیر عباس  نے کہاہے کہ محنت کے بغیر کوئی بڑا کھلاڑی نہیں بن سکتا۔ مقامی نیوز چینل کے پروگرام جیو پاکستان میں گفتگو کرتے ہوئے سابق کپتان ظہیر عباس نے کہا کہ ہرکھلاڑی کوبڑا پلیئر بننے کے لیے سخت محنت کرنا پڑے گی۔ظہیر عباس کاکہنا تھا کہ ہماری ٹیم بھارت کوبہت آسانی سے ہراتی تھی، آج بھارتی ٹیم کہاں پہنچ گئی ہے۔انہوں نے کہا کہ جب تک لڑکے خود فیصلہ نہیں کریں گے بڑے پلیئر نہیں بن سکتے مزید کہا کہ بلاشبہ پاکستان میں کرکٹ کابے پناہ ٹیلنٹ ہے جس کو منظر عام پر لانے کی ضرورت ہے۔