برطانوی رکن پارلیمنٹ نصرت غنی کا مسلم عقیدے کے سبب وزارتی ذمہ داریوں سے فارغ کرنے کا انکشاف
لندن ( ڈیلی پاکستان آن لائن ) برطانیہ کی حکمران جماعت کنزرویٹو پارٹی کی مسلمان رکن پارلیمنٹ نصرت غنی نے انکشاف کیا کہ انہیں صرف عقیدے کی بنیاد پر وزارتی ذمہ داریوں سے سبکدوش کیا گیا ہے ۔
نجی ٹی وی جیو نیوز کے مطابق نصرت غنی نے کہا کہ ڈاؤننگ سٹریٹ میں مسلم عقیدے کو مسئلے کے طورپر اٹھایا گیا ، انہیں چیف وہپ نے آگاہ کیا کہ ان کا عقیدہ دیگر کو پریشان کر رہا ہے ۔
واضح رہے کہ 49 سالہ نصرت غنی کو سال 2020 میں کابینہ کی ردو بدل کے دوران وزارت ٹرانسپورٹ کے عہدے سے ہٹایا گیا تھا ۔