وزیراعظم شہباز شریف کا ملک میں بجلی کے تعطل کا سخت نوٹس
اسلام آباد(ڈیلی پاکستان آن لائن)وزیراعظم شہباز شریف نے ملک میں بجلی کے تعطل کا سخت نوٹس لے لیا اور اعلیٰ سطحی تحقیقات کا حکم دے دیا۔
نجی ٹی وی چینل جیو نیوز کے مطابق وزیر اعظم نے تحقیقات کیلئے اعلیٰ سطحی کمیٹی بھی تشکیل دے دی اوروفاقی وزیر توانائی خرم دستگیر سے فوری رپورٹ طلب کی ہے،وزیراعظم نے برہمی کااظہار کرتے ہوئے کہاکہ ملک میں بجلی کا اتنا بڑا بحران کس وجہ سے پیدا ہوا، آگاہ کیا جائے۔
وزیراعظم شہباز شریف نے ہدایت کی کہ ذمہ داران کا تعین کیا جائے ، وزیراعظم نے ملک میں بجلی کی فوری بحالی کا حکم دیتے ہوئے کہاکہ عوام کی مشکلات برداشت نہیں۔
